टाईमस् अफ मधेसद्वारा आयोजित वक्तृत्वकला प्रतियोगिता सम्पन्न

रौतहट, ११ मङ्सिर । जिल्लाको पश्चिमी भेग पर्ने परोहा नगरपालिकामा रहेको श्री अन्होती लाल माध्यमिक विद्यालय बसन्तपट्टिको प्राङनमा टाईमस् अफ मधेस द्वारा आयोजना गरिएको शिक्षाको महत्व विषयक वक्तृत्वकला प्रतियोगिता भव्यताका साथ सम्पन्न भएको छ ।

परोहा नगरपालिका वडा नम्बर ६ मा रहेको श्री अन्होतिलाई माध्यमिक विद्यालयका कक्षा ८ देखि कक्षा १२ सम्मका छात्र, छात्राहरूको सहभागिता रहेको सो कार्यक्रमका अध्यक्षता विद्यालयका कुशल प्रधानाध्यापक यदुनी दासले गरेका थिए भने प्रमुख अतिथिका रूपमा परोहा नगरपालिकाको वडा नम्बर ६ बसन्तपट्टिका वडा अध्यक्ष रामविलास जैसवारको उपस्थित भएका थिए ।

कृषक कृषि सहकारी संस्था लिमिटेड तथा सिद्धार्थ ट्रेडर्सको विशेष सहयोगमा आयोजना भएको उक्त वक्तृत्वकला प्रतियोगितामा विशिष्ट अतिथिका रूपमा पूर्व वडा अध्यक्ष जितेन्द्र कुमार पटेक, वडा अध्यक्ष प्रत्याशी युवा समाजसेवी, नेता अमित प्रसाद जयसवाल, इलाका प्रहरी कार्यालय कोपवा पिपरीयाका इन्चार्ज रामअवध राय यादव, परोहा नगरपालिकाका शिक्षा विज्ञ सुदामा यादव तथा अतिथिका रूपमा कृषक कृषि सहकारी संस्थाका अध्यक्ष विरु पटेल, वडा सदस्यका प्रतिनिधि हरचन हजरा लगायतका उपस्थिति रहेको थियो । विद्यालयका कक्षा ८ देखि कक्षा १२ सम्मका १८ जना विद्यार्थीहरू सहभागी भएका सो वक्तृत्वकला प्रतियोगितामा रौशनी कुमारी जयसवल प्रथ , संतोष महतो दोस्रो तथा दिपिका जयसवालले तेस्रो स्थान प्राप्त भएका थिए । हजारौको संख्यामा अभिभावक तथा विद्यार्थीहरू उपस्थिति रहेको वक्तृत्वकला प्रतियोगितालाई विद्यालयका लेखापाल चन्दन प्रसाद पटेलले सञ्चालन गरेका थिए।

टाईमस् अफ मधेसले आयोजना गरेको सो वक्तृत्वकला प्रतियोगितामा प्रथम , दोस्रो तथा तेस्रो हुने विद्यार्थीहरुलाई डायरी र कलम तथा सहभागी सम्पूर्ण विद्यार्थीहरू लाई कपि कलम विशिष्ट अतिथि अमित जयसवाल र सभा अध्यक्ष यदुनी दासले हस्तान्तरण गरेका थिए । विद्यार्थीहरूको मनोबल बढाउन तथा आउने दिनमा आयोजना हुने यस्ता कार्यक्रममा थप प्रभावकारिताको साथ आफ्नो प्रस्तुति दिन सकोस् भन्ने उद्देश्यका साथ आयोजना गरिएको वक्तृत्वकला प्रतियोगितामा सहभागी भई कार्यक्रमलाई सफल बनाउन सहयोग पुर्‍याउनु भएकोमा सम्पूर्ण उपस्थित प्रमुख अतिथि ,विशिष्ट अतिथि , अतिथि, अभिभावक तथा जनसमुदाय लगायत संञ्चारकर्मीहरु ज्युलाई धन्यवाद दिँदै कार्यक्रम आयोजक टाइमस् अफ मधेसका प्रबन्ध निर्देशक चन्दन प्रसाद पटेललाई विशेष धन्यवाद दिँदै सभा अध्यक्ष यदुनी दासले कार्यक्रम समापनको घोषणा गरेका थिए ।