श्री माध्यमिक विद्यालय कर्कच गुठ्ठीको निर्वाचनमा साह कानूले २०१ मतान्तर सहित निर्वाचनमा प्यानल विजयी
रौतहट, २९ भदौ । जिल्लाको देवाही गोनाही नगरपालिका-६ स्थित रहेको श्री माध्यमिक विद्यालय कर्कच गुठ्ठीको विद्यालय व्यवस्थापन समितिको सम्पन्न भएको निर्वाचनमा हरेन्द्र साह कानूको प्यानल विजयी भएका छन् । चार जना सदस्य पदका लागि शुक्रबार भएको निर्वाचनमा हरेन्द्र साह कानू २०१ मत प्राप्त गरी सदस्यमा निर्वाचित भएका छन् ।
साहका निकटतम प्रतिद्वन्द्वी पप्पु कुमार यादवले ५१ मतले पराजित भएका छन् । यादवका कुल १५० मत प्राप्त गरेका थिए । त्यस्तै साहको प्यानलबाट उम्मेदवारी दिएका हरेन्द्र साह कानू २०१ मत, रीना कुमारी दास २१६ मत किशोरी प्रसाद कुर्मी २१० र नितु कुमारी जयसवाल २१८ मत प्राप्त गरी निर्वाचित भएकी छिन् ।
पप्पु कुमार यादवको प्यानलबाट उम्मेदवारी दिएका निकटतम प्रतिद्वन्द्वी पप्पु कुमार यादव १५०, समिता कुमारी कुशवाहा १६० काजल कुमारी झा १६१ र बिनोद कुमार यादव (सुनील) १४० मत तथा स्वतंत्र उम्मेदवार राकेश ठाकुर लोहारले मात्र ३७ मत ल्याएर पराजित भएका छन् । पप्पु यादवले १५० मत प्राप्त गर्दा हरेन्द्र साहले उनी भन्दा ५१ मत बढी हासिल गरी जित हात पार्न सफल भएका छन् ।
श्री माध्यमिक विद्यालय कर्कच गुठ्ठीको व्यवस्थापन समितिको नयाँ नेतृत्व चयनका लागि शुक्रबार बिहान ८ :३० बजेदेखि मतदान कार्य सुरु भई ४ बजे सम्पन्न भएको थियो भने मतगणना कार्य साँझ ४:३० बजेदेखि सुरु गरिएको थियो । अन्तिम मत परिणाम राती सार्वजनिक भएको थियो ।
निर्वाचनमा हरेन्द्र साह र पप्पु यादव पक्षबिच निकै कडा प्रतिस्पर्धा भएको थियो । तर ठुलो मतान्तरले जित हात पारेका छन् । निर्वाचनबाट चार जना सदस्य चुनिएको हो । यी चारजनाबाट नै कोही एकजना अध्यक्ष बन्ने मतदान अधिकृत जिल्ला शिक्षा समन्वय समिति रौतहटको वि. नि. उपेन्द्र सिंहले जानकारी दिए । तर बाराको छतवा बरैनिया, मटिअर्वा, गोपालगंज, सिम्रौनगढ नाकाबाट भने दिउँसो र रातीको समयमा खुलेआम तस्करी भइरहेको पाइएको छ ।
