अध्यक्ष हासमीमाथि भ्रष्टाचारको आरोप, सिके राउत सहभागी सरकारले गर्ला त कारबाही ?
रौतहट, १७ साउन । जिल्लाको प्रादेशिक अस्पताल गौरका अध्यक्ष अनबर हासमी विवादमा मुछिएका छन् । आफ्नो कार्यकालमा अस्पताललाई सुविधा सम्पन्न बनाएको दाबी ठोक्ने हासमीमाथि भ्रष्टाचार, अनियमितता र लुटखसोटको आरोप लागेको हो।
निमित्त मेडिकल सुपरिटेन्डेन्ट डा.मुरारी ठाकुरको मिलिभगतमा हासमीले टाईल्स जडान ,औषधि खरिद ,मर्मत सम्हार र रङ्गरोग्न ,विभिन्न उपकरण खरिद देखि करारको कर्मचारी भर्नामा ठुलो अनियमितता र चलखेल गरेको भन्दै चर्चाको विषय बनेको हो।
जसपाको कोटाबाट अध्यक्ष बनेका हासमी आफूले गरेको भ्रष्टाचारको पोल खुल्ने डरले कहिले एमाले त कहिले काङ्ग्रेस पार्टीको लिडर नजिक बन्न प्रयासमा छन् तर हासमी विवादित र भ्रष्टाचारी छ्बिकै कारण हासमीलाई कसैले नपत्याएको रौतहटका पत्रकार मेवालाल यादवको दाबी रहेको छ।अर्को तिर प्रदेशमा सुशासन ल्याउनको लागि बनेको सिके राउत नेतृत्व जनमत पार्टीको सरकारले आफ्नो पोल खोलिदिने डरले हासमीको होस् उडेको देखिएको छ।
कहिले पत्रकार र कहिले समाजसेवी माथि खनिने अध्यक्ष हासमी प्रदेशका वर्तमान स्वास्थ्य मन्त्री सत्रुधन सिंहलाई रिझाएर आफू चोखो पुष्टि हुने खेलमा लागि परेका छन् । अस्पताल जस्तो ठाउँलाई अनियमितता र लुटखसोटको अखडा बनाएको भन्दै स्थानीयले अध्यक्ष हासमीलाई बर्खास्तको माग गरेका छन् ।
नेपाल पत्रकार महासंघका अध्यक्ष प्रेम चन्द्र झाले गौर अस्पतालको भ्रष्टाचार र अनियमितताको छानबिन भए मेडिकल सुपरिटेन्डेन्ट ,लेखापाल र अध्यक्ष स्वयं जेल जाने आरोप लगाउनु भएका छन् । अध्यक्ष झाले टायल्स, औषधि खरिद ,न्यानो झोला,अस्पतालमा सुत्केरी गराउनेले पाउने रकम र करारका कर्मचारी भर्ना लगायतका काण्डको छानबिन भए मेसु देखि अध्यक्ष जेल जाने भन्दै सामाजिक संन्जालमा अभिव्यक्ति दिएका हुन् ।
गौर अस्पतालमा जाने गरेका सेवाग्राहिलाई प्राईबेट क्लिनिकमा पठाउने काममा अध्यक्ष हासमी कै हात रहेको सेवाग्राहीहरूको गुनासो छ।अस्पताल विकास समितिले अस्पतालको विकास नगरी आफ्नो व्यक्तिगत विकास गर्न लागेपछि स्थानीय असन्तुष्ट बन्नु स्वभाविक रहेको गौरका समाजसेवी अभिमन्यु गुप्ताले बताए। गुप्ताले अध्यक्ष र मेडिकल सुपरिटेन्डेन्ट माथि लागेका भ्रष्टाचार बारे छानबिन गरि आजिवन काराबासको समेत माग गरेका छन् ।
यस विषय प्रति प्रदेश सरकार गम्भीर भएर नलागे सरकार पनि यस धन्दामा संलग्न रहेको पुष्टि हुने गौरका प्रबुद्ध वर्गको भनाई छ।यस विषयमा अध्यक्ष हासमीसँग सोधपुछ गर्न खोज्दा सम्पर्क हुन सकेन ।
