रामग्राममा बिधुतको पोलमा बत्ती निभाउँदा जाँदा करेन्ट लागेर एक जनाको मृत्यु

परासी, १२ असोज । पश्चिम नवलपरासीको रामग्राम  विद्युतको करेन्ट लागेर एक जनाको मृत्यु भएको छ । रामग्राम  नगरपालिका वडा नं ७ मा विद्युतको करेन्ट लागेर एक जनाको मृत्यु हो । 

विद्युतको करेन्ट लागेर मृत्यु हुनेमा रामग्राम ७ उजैनी बस्ने वर्ष ३५का जय प्रकाश यादवले आफ्नै घर अगाडि रहेको  बिजुलीको पोलमा बत्ती निभाउन जाँदा करेन्ट लागेर  मृत्यु भएको जिल्ला प्रहरी कार्यालयका डिएसपी एवम् सूचना अधिकारी रेशमवोहराले जानकारी दिए । करेन्ट लगेर घाइते भएका यादवलाई पृथ्वीचन्द्र अस्पतालमा ल्याएकोमा डाक्टरले मृत घोषण गरेको बोहाराले बताए ।

स्थानीयका अनुसार उक्त विद्युत खम्बामा  स्मार्ट लिङ्क वाईफाईको तार लत्रिएर  हाई टेन्सनको तारमा छोईन गएर उक्त घटना भएको छ ।

पोलमा लुत्रिएको अवस्थामा रहेको स्मार्ट लिङ्क वाईफाईको  हईटेन्सन उक्त तारमा छोइएकाले पोलको बत्ती निभाउने क्रममा छुइन पुग्दा यादवको मृत्यु भएको स्थानीयले बताएका छन । मृत्यु भएका यादव सिद्धार्थ बैंक परासी शाखा गार्डको काम गर्दै आएका थिए ।